என் பார்வையில்........

விலா எலும்பில் வலு தேயும் வரை

விடுவதில்லை என எனைத் தேடிப்பார்க்க

ஆரம்பித்துவிட்டேன்!

மலை முகடுகளில் பொட்டல் காடுகளில்

பாதை தெரியும் வரை என்

பாதம் தேயும் வரை!

உமியைத் தூக்க தெம்புள்ளவரை

கலவி ஆசை நரைக்காதாம்!

உமியைப் பார்க்க முடியும் வரை

எனைப் பற்றிய என் தேடல் ஆசையும் நரைக்கப் போவதில்லை!

இந்தப் பாதை எங்கே முடியும் என்று எனக்கு கவலை இல்லை

எனக்கான இன்னுமொரு பாதையை முடிந்த இடத்திலிருந்து வகுத்துக் கொண்டு எனைப் பற்றிய தேடல் பயணம் இனிதே தொடரும்!

பயம் வரும் வரை
பயணங்கள் எப்போதும் முடிவதில்லை!